തിരുവനന്തപുരം: പൊതുസ്ഥലത്ത് മാലിന്യം വലിച്ചെറിയുന്നവരെപ്പറ്റി തെളിവുസഹിതം വിവരം നൽകുന്നവർക്ക് പാരിതോഷികത്തുക ഉയർത്തി. ഇനിമുതൽ ചുമത്തുന്ന പിഴയുടെ നാലിലൊന്ന് നൽകാൻ തദ്ദേശവകുപ്പ് തീരുമാനമെടുത്തു. പൊതുസ്ഥലത്ത് മാലിന്യം വലിച്ചെറിയുന്ന കുറ്റം അറിയിക്കുന്നതിൽ പൊതുജനപങ്കാളിത്തം വർധിപ്പിക്കാനാണിത്. വിവരം നൽകുന്നവർക്ക് ഇതുവരെ 2500 രൂപയായിരുന്നു നൽകിയിരുന്നത്. ഗുരുതരമായ കുറ്റകൃത്യം അറിയിക്കുന്നവർക്ക് ഉയർന്ന പാരിതോഷികം നൽകുമെന്ന് മന്ത്രി എം.ബി. രാജേഷ് വ്യക്തമാക്കി. വിവരം അറിയിക്കുന്നവർക്ക് തുക കിട്ടുന്നുവെന്ന് തദ്ദേശസ്ഥാപനങ്ങൾ ഉറപ്പാക്കാനും മന്ത്രി നിർദ്ദേശം നൽകി. ഹരിതകർമസേനാംഗങ്ങൾ, എൻഎസ്എസ് വൊളന്റിയർമാർ, എസ്പിസി കേഡറ്റുകൾ, കോളേജ് വിദ്യാർഥികൾ […]