ഗുകേഷ് ഡി യെ അറിയൂ
കാനഡയിൽ വെച്ച് നടന്ന കാന്‍ഡിഡേറ്റ് ടൂര്‍ണമെന്റില്‍ വിജയം നേടുന്ന ഏറ്റവും പ്രായം കുറഞ്ഞ വ്യക്തി എന്ന നിലയില്‍ ഇന്ത്യന്‍ ഗ്രാന്‍ഡ്മാസ്റ്റര്‍ ഗുകേഷ് ഡി (Gukesh D) പുതുചരിത്രം കുറച്ചിരിക്കുകയാണ്. ലോക ചാമ്പ്യന്‍ഷിപ്പ് ചലഞ്ചറായ ഏറ്റവും പ്രായം കുറഞ്ഞ വ്യക്തിയെന്ന നേട്ടവും ഈ 18 കാരന്‍ സ്വന്തമാക്കി. അമേരിക്കന്‍ താരമായ ഹികാരു നകാമുറയ്‌ക്കെതിരായ മത്സരത്തില്‍ അവസാന റൗണ്ട് സമനിലയില്‍ പിരിഞ്ഞതോടെ ഗുകേഷ് 14 പോയിന്റില്‍ ഒന്‍പതും നേടി. റഷ്യയുടെ ഇയാന്‍ നെപോംനിയാച്ചിയും ടോപ് സീഡായ അമേരിക്കയുടെ ഫാബിയാനോ കരുവാനയും തമ്മിലുള്ള മത്സരം സമനിലയില്‍ അവസാനിച്ചതോടെയാണ് കാര്യങ്ങള്‍ ഗുകേഷിന് അനുകൂലമായത്.
